"Barselona" Chempionlar Ligasi 1/8 final dastlabki o'yinida "Benfika"dan ustun keldi - 1:0. O'yin Lissabondagi (Portugaliya) stadionda bo'lib o'tdi.

Uchrashuvdagi yagona golni Ispaniya jamoasi hujumchisi Rafinya 61-daqiqada kiritdi.

"Barselona" 22-daqiqadan boshlab bir kishi kam bo'lib o'ynadi, himoyachi Pau Kubarsi "Benfika" hujumchisi Vangelis Pavlidisga nisbatan qo'pollik ishlatgani uchun to'g'ridan-to'g'ri qizil kartochka oldi.

Jamoalarning Chempionlar ligasidagi javob uchrashuvi 11 mart kuni Barselona (Ispaniya) da bo'lib o'tadi.