Ispaniya Kubogi 1/2 finali doirasidagi «Barselona» va «Atletiko» o'rtasidagi uchrashuv bosh hakami Xuan Martines Munuera o'yindan keyingi hisobotida ofsaydni aniqlashda VAR tizimi ishlamay qolgani sababini bayon qildi. O'yin «Atletiko»ning 4:0 hisobidagi g'alabasi bilan yakunlandi.

"Tahlil davomida futbolchilarning zich joylashgani sababli tizim o'yinchilarni skelet darajasida modellashtirishda muammoga duch kelgani aniqlandi. Modelni qayta kalibrlashga urinish va belgilangan protseduraga muvofiq buning iloji yo'qligi ma'lum bo'lgach, VAR jamoasi yakuniy va to'g'ri qaror qabul qilish uchun ofsayd chiziqlarini qo'lda chizishga kirishdi", — deyiladi hakam Munueraning hisobotida.

Hakamga «Barselona» himoyachisi Pau Kubarsining ikkinchi bo'limda, 52-daqiqada urgan golini ofsayd sababli bekor qilish uchun olti daqiqadan ko'proq vaqt kerak bo'ldi.

Eslatib o'tamiz, ushbu turnirning amaldagi g'olibi «Barselona» hisoblanadi. Avvalgi mavsum finalida «ko'k-anorranglilar» Madridning «Real» klubini qo'shimcha bo'limlarda 3:2 hisobida mag'lub etishgan edi.