"Barselona"ning sobiq yarim himoyachisi Ivan Rakitich jamoa va uning hozirgi bosh murabbiyi Xans-Diter Flik haqida o'z fikrini aytdi.

"Flikning "Barselona"simi? Jamoaning deyarli barcha murabbiylar shtabi mening do'stlarim. Flik har kuni klub uchun muhimroq bo'lib bormoqda. Keling, "Barsa"ning o'yinidan zavqlanishda davom etaylik", - deydi Rakitich.

Chorshanba kuni Kataloniya grandi Ispaniya kubogining ikkinchi yarim finalida "Atletiko Madrid"ga qarshi bahs olib boradi. Birinchi uchrashuv 4:4 hisobida yakunlangandi.