Madridning "Real" klubi bosh murabbiyi Karlo Anchelotti Ispaniya kubogi yarim finalida "Barselona"ga qarshi o'z uyidagi ilk o'yindan oldingi fikrlari bilan o'rtoqlashdi.

Ispaniya Superkubogi finalida jamoalar o'rtasidagi oldingi uchrashuv 3:1 hisobida "Barselona"ning g'alabasi bilan yakunlangan edi.

"Superkubokda bizga diqqat va ishonch etishmadi. Biz xato qildik. Lekin ularni takrorlaymiz deb o'ylamayman. Bu juda muhim uchrashuv. Biz uchun muhim turnirda g'alaba qozonishga juda yaqinmiz. Biroq, bu o'yin hal qiluvchi bo'lmaydi" - dedi Anchelotti.