Todofichajes'ning so'zlariga ko'ra, "PSJ" yozda "Barselona"ning ispaniyalik yarim himoyachisi Gavini sotib olishga harakat qiladi.

Qayd etilishicha, Parij klubi futbolchi uchun katta taklif tayyorlagan. Ammo "Barselona" o'z yarim himoyachisi bilan xayrlashmoqchi emas. Gavining o'zi ham faoliyatini Kataloniya jamoasida davom ettirish va uning afsonasiga aylanish niyatida ekanligini aniq ta'kidlagan.

Gavi "Barselona" akademiyasini tamomlagan. Umuman olganda, ispaniyalik futbolchi "blaugrana" safida 139 ta o'yin o'tkazgan. Ularda u 9 ta gol urdi va 17 ta golli uzatmani amalga oshirdi.

Futbolchining mehnat shartnomasi 2030 yilning yoziga qadar amal qiladi. Transfermarkt Kataloniya klubi vakilini 70 million evroga baholamoqda.