"Barselona"ning chap qanot himoyachisi Alexandro Balde tez orada jarohatidan tiklanadi.

21 yoshli futbolchi "ko'k-anorranglilar"ning so'nggi beshta o'yinini o'tkazib yubordi, shu jumladan Chempionlar ligasi yarim finalining chorshanba kuni "Inter"ga qarshi bo'lib o'tgan va 3:3 hisobidagi durang bilan yakunlangan birinchi o'yinini ham. Jurnalist Xelena Kondisning ma'lum qilishicha, yosh qanot himoyachisi tez orada safga qaytadi - u kelasi seshanba, 6 may kuni "neradzurrilar" bilan javob uchrashuvida ishtirok etishi mumkin.

Alexandro Balde joriy mavsum Xans-Diter Flik jamoasi safida 43 ta o'yinda maydonga tushdi va o'z hisobiga 1 ta gol hamda 10 ta golli uzatma yozdirib qo'ydi.