Yozda "Barselona" safini hujumchi Markus Reshford to'ldirdi. Kataloniyaliklar 27 yoshli inglizni sotib olish huquqi bilan ijaraga olgan. Bu transfer haqida "ko'k-anorranglilar" vingeri Rafinya fikr bildirdi.

"Bu futbolkada, bu klubda o'ynash uchun har qanday raqobatga tayyor bo'lish kerak. Menimcha, raqobat qancha ko'p bo'lsa, shuncha yaxshi. Oxir-oqibat, har bir raqobatchi boshqasining rivojlanishiga yordam beradi. Agar biz chempionlikni qo'lga kiritishni istasak, bu eng muhimi," - deya Rafinyaning so'zlarini keltiradi Ispaniyaning Sport nashri.

La Liga yangi mavsumining 1-turida "Barselona" safarda "Malorka" mehmoni bo'ladi. O'yin 16 avgust kuni bo'lib o'tadi.