"Barselona" markaziy himoyachisi Ronald Arauxo "Real Ovedo"ga qarshi o'yindan keyin Madridning "Real" klubi haqidagi savolga javob berdi.

Kataloniya grandi 3:1 hisobida g'alaba qozonib, "qaymoqranglilar" bilan oradagi farqni yana 2 ochkoga qisqartirdi. Xabi Alonso jamoasi La Liganing olti turidan keyin 18 ochko, "ko'k-anorranglilar" esa 16 ochko to'plagan.

"Real" - juda kuchli jamoa, ajoyib futbolchilar va yangi murabbiyga ega. Chempionatda bizni qiyin kurash kutmoqda. Chempionlik uchun kim bilan kurashishimizni bilmayman, ammo g'alaba uchun qo'limizdan kelganini qilamiz," - dedi Arauxo o'yindan keyingi intervyusida.