"Barselona" "Benfika" markaziy himoyachisi Gonsalu Oliveyra bilan shartnoma imzolash imkoniyatini ko'rib chiqmoqda.

19 yoshli futbolchi hali "burgutlar"ning asosiy jamoasida debyut qilgani yo'q, ammo u o'z vatanida katta umidlarga ega. Jurnalist Karlos Monfortning xabar berishicha, "ko'k-anorranglilar" sport direktori Deku yaqinda yosh portugaliyalikning agentlari bilan uchrashuv o'tkazib, ehtimoliy kelishuvni muhokama qilgan.

Gonsalu Oliveyra Portugaliya yoshlar terma jamoasida ikki marta o'ynagan. Futbolchining "Benfika" bilan shartnomasi 2027 yilning yoziga qadar mo'ljallangan bo'lib, uning transfer narxi Transfermarkt ekspertlari tomonidan 1,5 mln evroga baholanmoqda.