"Barselona" Evropa Superligasi loyihasini qo'llab-quvvatlashdan bosh tortishi mumkin. Turnirni tashkil etish g'oyasi bir necha yildan beri mavjud, ammo uni amalga oshirishga erishilmagan. "Barselona" va Madridning "Real" klublari Evropa futbolidagi islohotlarni eng faol qo'llab-quvvatlagan edi, ammo endi Kataloniya grandi loyihadan voz kechishni rejalashtirmoqda, deb yozadi Esports RAC1. Manba buni so'nggi vaqtlarda "Barsa"ning UEFA bilan munosabatlari ancha yaxshilangani bilan izohlamoqda.

Chorshanba kuni "ko'k-anorranglilar" Chempionlar Ligasi umumiy bosqichining 2-turida "PSJ"ga imkoniyatni boy berib qo'ydi (1:2). Yakshanba kuni Xans-Diter Flik jamoasi La Ligada "Sevilya"ga qarshi maydonga tushadi.