Opta tahlilchilari Ispaniya La Ligasining joriy mavsumida jamoalarning chempionlik uchun imkoniyatlarini baholadi.

Superkompyuter prognoziga ko'ra, minimal ustunlik bilan favorit Kataloniyaning "Barselona" klubi bo'lib turibdi. Xans-Diter Flik shogirdlarining g'alaba qozonish ehtimoli 46,6 foizga baholanmoqda. Madridning "Real" klubiga kelsak, Xabi Alonso jamoasining oltin medallarni qo'lga kiritish imkoniyati 46,55 foizni tashkil etadi.

Ispaniya chempionatida o'tkazilgan 8 turdan so'ng "qirollik klubi" ochkolarini 21taga etkazib, peshqadamlik qilmoqda. "Ko'k-anorranglilar" 19 ochko bilan La Ligada 2-o'rinda bormoqda.