Londonning "Chelsi" klubi markaziy himoyani kuchaytirishni rejalashtirmoqda. "Ko'klar"ning kelasi yozgi transfer maqsadlari qatorida "Barselona"dan Ronald Arauxo va "Nottingem Forest"dan Murillo bor, deb yozadi Daily Express.

"Aristokratlar" o'z tarbiyalanuvchisi Mark Gexi uchun kurashda ishtirok etmaydi. "Kristal Pelas" sardori joriy mavsum yakunlangach erkin agentga aylanadi, unga da'vogarlar orasida "Liverpul", "Real" va boshqa grand klublar bor.

Mashhur Transfermarkt portali mutaxassislari 26 yoshli Arauxoning narxini 35 mln evroga baholamoqda, 23 yoshli Murilloning narxi esa xuddi shu saytda 55 mln evroga baholanmoqda.