"Manchester Siti" hujumkor yarim himoyachisi Bernardu Silva 2026 yilning yozida klubini o'zgartirishi mumkin.

CaughtOffside xabariga ko'ra, kelasi yozda erkin agentga aylanishi mumkin bo'lgan 31 yoshli portugaliyalik futbolchining taklif etilishiga "Barselona" va "Yuventus" klublari qiziqish bildirmoqda. Ammo Saudiya Arabistonining "Al-Ahli," "Al-Qodisiya" va "Al-Nasr" klublari Silva uchun salmoqli takliflar tayyorlamoqda. Silva "shaharliklar" bilan shartnomani uzaytirishi dargumon.

Silva joriy mavsumda barcha musobaqalarni qo'shib hisoblaganda to'qqizta uchrashuvda ishtirok etdi va o'z hisobiga bitta assist yozdirib qo'ydi. Transfermarkt ekspertlari futbolchining narxini 38 mln evroga baholamoqda.