"Barselona" shifokorlari asosiy vingerning tiklanish muddatini aytdi.

Ma'lum bo'lishicha, Lamin Yamal klasikoda o'ynashga tayyor bo'ladi. Qolaversa, ispaniyalik futbolchi "Jirona"ga qarshi o'yinda bir necha daqiqaga maydonga tushishi mumkin.

"Hujumchi imkon qadar tezroq jamoaga qaytish maqsadida qat'iy tiklanish rejasiga amal qilmoqda", - deb yozadi ispan OAVlari.

Shuningdek, Yamal dastlab Chempionlar ligasida "Olimpiakos"ga qarshi, keyin esa "Real"ga qarshi o'yinda maydonga tushishi ehtimoli bor.