Kataloniyaning "Barselona" klubi 37 yoshli markaziy hujumchisi Robert Levandovski faoliyatini yakunlamoqchi emas. Bu haqda polshalik futbolchining agenti Pini Zaxavi ma'lum qildi.

"Levandovskining faoliyatini yakunlashi haqidagi mish-mishlar haqiqatga to'g'ri kelmaydi. Robert hamon jahon darajasidagi forvard bo'lib qolmoqda," - deya agentning so'zlarini keltiradi Sport.es.

Levandovski 2022 yilning yozidan buyon Kataloniya grandida to'p tepib kelmoqda. Tomonlar o'rtasidagi amaldagi shartnoma muddati 2026 yil iyun oyi oxirida tugaydi. Robertning bozor narxi o'n million evroga baholanmoqda.

Hujumchi La Liganing joriy mavsumida 9 ta o'yin o'tkazib, 7 ta gol urishga muvaffaq bo'ldi.