Kataloniyaning "Barselona" klubi markaziy hujumchisi Robert Levandovski faoliyatini Turkiya chempionatining top-klubida davom ettirish variantiga ega. Bu haqda Fotomac jurnalistlari xabar bermoqda.

Manbaga ko'ra, yulduz to'purarni Istanbulning "Fenerbaxche" klubi o'z safiga qo'shib olmoqchi. Klub bosslari futbolchining agenti bilan muzokara o'tkazib, bir yillik mehnat shartnomasini imzolashga tayyor ekanliklarini bildirishdi. Levandovski taklif qilingan shartlardan qoniqmadi. Polshalik 2,5 yillik shartnomaga ega bo'lmoqchi.

Robertning "Barselona" bilan amaldagi kelishuvi muddati kelasi yilning yozida tugaydi.