"Barselona" markaziy himoyachi Ronald Arauxoga o'rinbosar topish haqida o'ylamoqda.

Urugvaylik futbolchi ruhiy muammolar tufayli safdan chiqdi - u yaqinda "Chelsi"ga qarshi kechgan va 0:3 hisobidagi mag'lubiyat bilan yakunlangan o'yinda qizil kartochka olganini og'ir qabul qildi. Diario Sport xabariga ko'ra, "Barselona" agar qishki transferlar oynasi ochilishiga qadar futbolchi ruhiy tiklanmasa, yanvar oyida Arauxoga to'g'ridan-to'g'ri o'rinbosar sotib olish imkoniyatini ko'rib chiqadi.

Kuni kecha Kataloniya klubi prezidenti Joan Laporta Ronald Arauxoni qo'llab-quvvatlashini bildirdi. 26 yoshli futbolchining "ko'k-anorranglilar" bilan amaldagi shartnomasi 2031 yilning yarmigacha mo'ljallangan.