"Barselona" markaziy himoyachisi Ronald Arauxo psixologik muammolar tufayli tarkibdan chetda qolmoqda. 26 yoshli futbolchi Chempionlar ligasi doirasida "Chelsi"ga qarshi o'yinda (0:3) chetlatilganidan keyin tanqidlarga uchraganini og'ir qabul qildi.

Urugvaylik futbolchi klubga hozircha maydonga tusha olmasligini ma'lum qildi va dam oldi. Jurnalist Xelena Kondisning yozishicha, "Barselona" hali ham futbolchining qachon safga qaytishi mumkinligini bilmayapti. Avval xabar berganimizdek, Kataloniya grandi yanvar oyida uning o'rniga shartnoma imzolash uchun transfer bozoriga chiqishga tayyor.

Seshanba kuni "ko'k-anorranglilar" Chempionlar ligasida Frankfurtning "Ayntraxt" klubiga qarshi maydonga tushadi.