"Barselona"ning 20 yoshli shvetsiyalik vingeri Runi Bardji "Kamp Nou"da kelajagi uchun kurashishga bel bog'lagan. Bu haqda El Nacional xabar bermoqda.

Manbaga ko'ra, Barji yanvar oyida ijaraga ketmoqchi emas va allaqachon Angliya Premer-ligasi klublari, jumladan, "Kristal Pelas", "Brayton" va "Everton"ning bir nechta takliflarini rad etgan.

"Barselona" Barjini joriy yilning yozida sotib olgan edi. O'shandan beri u barcha musobaqalarda 13 ta o'yinda maydonga tushib, gol urdi va ikkita golli uzatmani amalga oshirdi.

Vingerning "ko'k-anorranglilar" bilan shartnomasi 2029 yilgacha mo'ljallangan. Transfermarkt ekspertlari shvedning narxini o'n million evroga baholamoqda.