"Barselona" klubi va Ispaniya terma jamoasi yarim himoyachisi Pedri do'stlari unga qanday motivatsiya berayotgani haqida gapirdi.

"Do'stlarim menga bosim o'tkazishmoqda. Ulardan biri doim hazillashadi: "Bu o'yinda qanchalik yomon eding". Ular meni maydonda borimni berishga undaydi. Biz to'rt kishimiz va barchamiz professional futbolchi bo'lishni orzu qilardik.

Albatta, do'stlarim bilan o'ynashni sog'indim. Qishlog'imda o'ynaganimda ham bosim etarli edi - bolaligimdan g'alaba qozonishni xohlardim," - deya Pedrining so'zlarini keltiradi Mundo Deportivo.