"Barselona" hujumkor yarim himoyachisi Dani Olmo La Liganing navbatdagi turida "Espanol"ga qarshi bahsda ishtirok etmasligi kutilmoqda.

"Ko'k-anorranglilar"ning safar derbisi 3 yanvar kuni bo'lib o'tadi. Diario Sport nashri tarqatgan xabarga ko'ra 27 yoshli futbolchi elkasidagi jarohatidan tiklanishga ulgurmaydi. Yulduz ispaniyalik 7 yanvar kuni bo'lib o'tadigan Ispaniya Superkubogi yarim finalidan o'rin olgan "Atletik" Bilbaoga qarshi o'yinga qadar safga qaytishga umid qilmoqda.

Dani Olmo Xans-Diter Flik jamoasi uchun joriy mavsumda barcha musobaqalarda 17 ta o'yinda maydonga tushib, 4 ta gol va 2 ta golli uzatmaga mualliflik qildi.