"Barselona" hujumchisi Robert Levandovski yana bir klub qiziqishlari doirasiga tushib qoldi.

Polshalik faxriy 2026 yilning yozida "ko'k-anorranglilar" safini erkin agent sifatida tark etishi mumkin. Jurnalist Ekrem Konurning ma'lumotiga ko'ra, 37 yoshli futbolchini "Orlando Siti" nishonga olgan. "Sherlar" yulduz hujumchi uchun MLSning boshqa bir vakili - "Chikago Fayr" bilan kurash olib boradi. Shuningdek, futbolchi Saudiya Arabistoni chempionati grandlari radarlarida qolmoqda.

Robert Levandovski joriy mavsum Xans-Diter Flik jamoasi safida 18 ta o'yinda 8 ta gol va 2 ta assistni o'z hisobiga yozdirib qo'ydi.