"Barselona" bosh murabbiyi Xans-Diter Flik 20 yoshli hujumchi Runi Bardjining Ispaniya Superkubogi doirasida "Atletik"ka qarshi kechgan uchrashuvdagi o'yini haqida fikr bildirdi.

Uchrashuv "Barselona"ning yirik 5:0 hisobidagi g'alabasi bilan yakunlandi. Bardji bitta gol urdi va ikkita golli uzatmani amalga oshirdi.

- Men Runi Bardjidan nihoyatda mamnunman. U yana har doimgidek ajoyib edi, men unga ishonaman" - deya Flikning so'zlarini keltiradi jurnalist Fabritsio Romano.

Romanoning eslatishicha, shvedning xaridi "ko'k-anorranglilar"ga 2,5 mln evroga tushgan. Ayni damda futbolchining bozor narxi Transfermarkt ma'lumotlariga ko'ra, 10 mln evroni tashkil qilmoqda.