"Barselona" vingeri Lamin Yamal ijtimoiy tarmoqlarda post qoldirdi. 18 yoshli futbolchi Neymarning "ko'k-anorranglilar" tarkibidagi yorqin o'yinlaridan iborat videojamlanmani e'lon qildi.

"Ertaga ko'rishamiz", — deb yozib qoldirdi Yamal.

Bu bilan Yamal ertangi o'yinda xuddi Neymar kabi raqib himoyasini yorib o'tishga tayyorlanayotganiga sha'ma qildi. Ertaga, 18 mart kuni "Barselona" Chempionlar Ligasi 1/8 finali javob uchrashuvi doirasida "Nyukasl"ni qabul qiladi.

Eslatib o'tamiz, Neymar 2013-2017 yillarda "Barselona" sharafini himoya qilgan. Hozirda braziliyalik yulduz "Santos" klubida to'p surmoqda.