Ivan Perishich "Barselona" futbolchisiga aylanishi mumkin. Bu haqda Ispaniyaning Mundo Deportivo nashri xabar bermoqda.

Nashrning ta'kidlashicha, Kataloniya klubi hali ham chap qanot himoyachisi qidirmoqda va bu rolga Perishich mos tushadi.

14 avgust kuni 35 yoshli futbolchi “Xayduk” bilan shartnomasini bekor qildi va endi erkin agentga aylandi. "Barselona" Perishich nomzodiga Niko Uilyams va Kingsli Koman bilan muvaffaqiyatsiz muzokaralardan so'ng keldi.

2023/24 yilgi mavsumda xorvatiyalik futbolchi barcha musobaqalarda 14 ta o'yin o'tkazib, 1 ta gol va 2 ta golli uzatmani amalga oshirgan.