Kataloniyaning «Barselona» klubi yarim himoyachisi Serxio Buskets “Atletik” klubidan Ispaniya Kubogining 1/4 finalida qabul qilib olingan mag'lubiyat haqidagi fikrlari bilan o'rtoqlashdi.

— Ispaniya Kubogini bitta bema'ni gol sababli tark etyapmiz. Biz yaxshi o'ynadik va o'ylaymanki yarim finalga chiqishga haqli edik. Bugun barchamiz uchun qayg'uli kun. Kubokdan chiqish keishni xohlamagandik, ammo hali sovrinni yutishimiz kerak bo'lgan yana ikkita musobaqa turibdi, — dedi Buskets Marca nashriga.