«Barselona» hujumchisi Lionel Messi Ispaniya chempionatining joriy mavsumida eng yaxshi to'purarga aylandi. U La liga doirasida 33ta o'yinda maydonga tushib, 25ta gol urdi. Argentinalik futbolchi «Pichichi sovrini»ni ettinchi marta qo'lga kiritdi va bu borada mutlaq rekordchiga aylandi. "Atletik Bilbao" klubi sobiq futbolchisi Telmo Sarra 6 marta Ispaniya chempionatining eng yaxshi to'purariga aylangan.Messi to'purarlar poygasida ketma-ket to'rtinchi mavsumda g'olib chiqdi. Shuningdek, u joriy mavsumda La liganing eng yaxshi assistentiga ham aylandi.