"Barselona" sardori Lionel Messi rahbariyat oldiga aniq talab qo'ymoqda: yo rahbariyat iste'foga chiqadi, yoki o'zi klubni tark etadi. Shu bois, Xosep Mariya Bartomeu 17 avgust, dushanba kuni iste'foga chiqishi mumkin. Boshqa xabarlarga ko'ra, direktorlar kengashining ishi oktyabr oyigacha cho'ziladi va 2 oydan keyin klub prezidentligi uchun saylovlar muddatidan avval o'tkaziladi. Messining "Barsa" bilan shartnomasi 2021 yilning iyuliga qadar tuzilgan. Shu bois, u yanvar oyida boshqa jamoa bilan dastlabki shartnoma imzolash huquqiga ega.