«Manchester Siti» klubi «Barselona» hujumchisi Lionel Messi bilan shartnoma imzolamoqchi. "Shaharliklar" esa moliyaviy halol o'yin qoidasining buzilishiga olib kelmaydigan taklif tayyorlamoqda. "Diario Sport" tarqatgan xabarga ko'ra, «Siti» argentinalik futbolchining transferi uchun 100 million evro hamda o'zining 3 nafar futbolchisi — Gabriel Jezus, Bernardu Silva va Erik Garsiyani berishga tayyor.Avvalroq OAVda «Barsa» "Man. Siti"ning mazkur 3 o'yinchisiga qiziqish bildirayotgani haqida xabarlar tarqalgan edi. Transfermarkt bu uch futbolchining umumiy narxini 152 million evroga baholagan. Eslatib o'tamiz, Messining "Barsa" bilan shartnomasidagi badal puli 700 million evroga teng.