"Barselona" sardori Lionel Messi hamon jamoani tark etish fikridan qaytgani yo'q."Mundo Deportivo" tarqatgan xabarga ko'ra, keyingi haftada argentinalik futbolchining otasi Xorxe Messi Kataloniyaga tashrif buyuradi. "Ko'k-anorranglilar" prezidenti Jozep Bartomeu Leoning otasi bilan ko'rishib, futbolchini "Kamp Nou"da olib qolishi va yangi shartnoma imzolash masalasini muhokama qilmoqchi. Lionelning amaldagi shartnomasi 2021 yilda yakuniga etadi.Messining o'zi esa ortiqcha mojarolarsiz "Barsa"ni tark etishni istamoqda. Chempionlar ligasidagi omadsizlik futbolchining joniga tegdi.