"Liverpul"ning niderlandiyalik yarim himoyachisi Jordjino Veynaldum Kataloniyaning "Barselona" klubiga o'tishi mumkinligi haqidagi xabarlarga munosabat bildirdi.

"Bular shunchaki mish-mish. Boshqa hech narsa ayta olmayman", - Veynaldumning so'zlaridan iqtibos keltirmoqda Mirror.

Avvalroq, niderlandiyalik futbolchi "Barselona" klubi bilan uch yillik shartnoma borasida kelishuvga erishgani va uning transfer narxi 15 million evro atrofida baxolanayotgani haqida xabarlar tarqalgandi.

29 yoshli Veynaldum "Liverpul" tarkibida 2016 yildan beri o'ynab kelmoqda. U "mersisaydliklar" tarkibida 187 ta uchrashuvda maydonga tushib, 19 ta gol kiritdi va 16 ta golga hammualliflik qildi. Uning jamoa bilan amaldagi shartnomasi 2021 yilning yozigacha amal qiladi.