Kataloniyaning "Barselona" klubi sardori Lionel Messi Argentina terma jamoasidagi faoliyatini yakunlash niyatida emas.

Goal.com portalining tarqatgan ma'lumotiga qaraganda, Messi terma jamoa bosh murabbiyi Skalonining ishonchini qozonmoqda va terma jamoasi bilan Amerika Kubogini-2021ni qo'lga kiritish niyatida.

Bundan tashqari, Messi 2022 yili Qatarda bo'lib o'tadigan Jahon Chempionatida ishtirok etish niyatida.

Messi Argentina terma jamoasi safida 2005 yildan beri o'ynab kelmoqda, biroq, uning terma jamoadagi yagona yutug'i 2008 yilgi Olimpiada o'yinlaridagi muvaffaqiyati bo'lib turibdi.