«Barselona» bosh murabbiyi Ronald Kuman jamoaning 21 yoshli futbolchisi Rikard Puch haqida o'z fikrini bildirib o'tdi.«Men uni rejalarimga kiritmayotganim haqidagi gaplar yolg'on. Kecha u bilan gaplashdim. Yoshlar o'ynashi kerak. Ular o'yinsiz qolishi mumkin emas. U, Alenya, Pedri. Unga qiyin bo'lishini, raqobat katta ekanini aytdim. Bundan ortiq emas.Men unga kelajagi porloq ekanini aytdim, ammo barchasi o'yinchining o'ziga bog'liq. Men unga ijaraga ketishni maslahat bergan bo'lardim. 20 yoshli futbolchilar doimo o'yin amaliyotiga ega bo'lishi kerak. Ular uzoq vaqt o'yin amaliyotisiz qolib ketishlari mumkin emas. Biz 3 haftadan buyon ishlayapmiz. Unda raqobat kuchli», – dedi Kuman.