«Barselona» hujumchisi Lionel Messi jamoani tark etishi kutilayotgan Arturo Vidalga murojaat qildi. Eslatib o'tamiz, chililik futbolchi yaqin orada «Inter» a'zosiga aylanadi.«Dastlab sen haqingda o'yinlar orqali bilgandim. Hamisha seni ajoyib o'yinchi deb bilganman. Keyin esa sen bilan yuzma-yuz gaplashish imkoniyatiga ega bo'ldim. Sen meni yanada hayron qoldirding. Ikki yil davomida biz ko'p hodisalarni boshdan kechirdik. Arturo, futbolchilar seni sog'inishadi. Senga yangi jamoangda omad tilayman. Biz yana ko'rishamiz, bunga shubha qilmayman», – deya yozdi Messi instagram orqali.Chililik futbolchi "neradzurri" bilan shartnoma imzolash maqsadida Milanga uchib keldi. Vidal klub bilan 2 yillik shartnoma imzolashi kutilmoqda. «Inter» Arturo uchun «Barselona»ga 1 million evro to'lashi kutilmoqda.