Marca nashri xabar berishicha, bundan bir necha kun oldin Ansu Fatining qiziqishlarini himoya qiladigan agent Jorge Mendesh klubga Fati borasida 125 million yevro va qo'shimcha 25 million yevroni o'z ichiga olgan taklif olgani haqida xabar bergan.

"Barcelona" esa muzokaralarni boshlab ham o'tirmasdan, rad javobini bergan.

Taklif yuborgan klub nomi oshkor qilinmayapti, biroq bu "Manchester United" deb tahmin qilinmoqda.

Oldinroq ham "MU" Fati uchun 150 million yevro taklif qilgani va Barcelona rad javobini bergani haqida xabarlar chiqqan edi.

Ma'lumot o'rnida, 17 yoshli futbolchining tovon puli 400 million yevroni tashkil qiladi.