Kataloniyaning "Barselona" klubi futbolchisi Ansu Fati La Liga doirasida "Vilyarreal" (4:0) darvozasiga ikkita gol kiritdi.

17 yoshli futbolchi asosiy jamoada 10 ta gol urishga erishdi va uning 10 ta gol kiritishi uchun raqiblar darvozasi tomon 15 marta aniq zarba yo'llash kifoya qildi.

Eslatib o'tamiz, avvalroq "Barselona" Fatini asosiy jamoaga olgandi va tovon pulini 170 milliondan 400 million evroga ko'tarib qo'ygandi.

Fati "Barselona" tarkibida 35 ta o'yinda maydonga tushdi va 10 ta gol kiritdi.