Kataloniyaning "Barselona" klubi o'z futbolchisi Ansu Fatini Angliyaning "Manchester Yunayted" klubiga 170 million evroga sotishdan bosh tortdi, deya xabar tarqatmoqda Catalunya Radio.

Avvaliga "Qizil iblislar" Fati borasida 150 million evroli taklif yuborgandi, lekin "ko'k-anorranglilar" bu taklifga qarab ham o'tirmay, rad javob bergandi. Oradan ikki kun o'tgach, "MYu"dan Fatini 170 million evroga sotib olish borasida yana taklif kelib tushdi. Bu safar ham kataloniyaliklar o'z pozitsiyalarida turishdi - rad javob!

Qo'shimcha o'rniga shuni aytish kerakki, "Barselona" rahbariyati «MYu»ga Fatini haqiqatdan ham sotib olishni istayotgan bo'lsa, 400 million evrodan kamiga sotmasligini bildirdi.