Kataloniyaning "Barselona" klubi bosh murabbiyi Ronald Kuman "Lion"ning niderlandiyadik hujumchisi Memfis Depay haqida fikr bildirdi.

"Umid qilamanki, "Barselona" tarkibida yana bir niderlandiyalik futbolchi paydo bo'ladi. Mening ro'yxatimda Veynaldu ham bor edi.

Ishontirib ayta olamanki, 1999 yili Van Gal bilan sodir bo'lgan vaziyat takrorlanmaydi. Hozir tarkibimizda faqatgina Frenki de Yong bor. Murabbiylar shtabida esa faqatgina ikki niderlandiyalik bor - men va Sxroyder. Van Gal davrida esa 8-9 nafar niderlandiyalik bor edi", - dedi Kuman Goal.com portali bilan suhbatda.

Eslatib o'tamiz, "Barselona" 26 yoshli Depayni moliyaviy muammolar sababli xarid qila olmadi.