«Barselona» klubi yarim himoyachi Miralem Pyanichning past formasidan xavotirga tushmoqda. Bu haqda Sport.es xabar tarqatdi. Bosniyalik futbolchi jamoa safiga kelib qo'shilganida jismoniy formasi juda yomon edi. Shu kungacha ham u o'z formasini tiklay olmayapti va jamoadoshlaridan ancha ortda qolmoqda. Murabbiylar shtabi, Pyanich yaqinda koronavirusni boshdan kechirganini inobatga olib, unga ishonishda davom etadi. Shunga qaramay, futbolchi ta'til paytda mashg'ulotda yaxshi ishlamaganini ta'kidlashmoqda. Manbaga ko'ra, Pyanich «Real»ga qarshi o'yinda (24 oktyabr) maydonga tushmaydi. Ammo «Barselona» bosh murabbiyi Ronald Kuman Evropa chempionlar ligasi doirasida «Ferentsvarosh»ga qarshi o'yinda futbolchining xizmatidan foydalanmoqchi.