«Barselona»ning sobiq futbolchisi Arturo Vidal jamoaning hozirgi tarkibida kim «Oltin to'p»ni qo'lga kiritishi mumkinligi haqida fikr bildirdi.  Chililik futbolchi kataloniyaliklar tarkibidagi 17 yoshli vinger Lamin Yamalning o'yinini alohida ta'kidladi.  «Yamal — fenomen, u allaqachon "Oltin to'p" sari yo'lga chiqqan. U shubhasiz bu yil ushbu mukofotni qo'lga kiritadi», — dedi "Kolo-Kolo" yarim himoyachisi.Lamin Yamal joriy mavsumda «ko'k-anorranglilar» safida 34 o'yinda ishtirok etib, 11 ta gol va 17 ta golli uzatma amalga oshirgan.Hozirgi «Oltin to'p» sohibi — «Manchester Siti» futbolchisi Rodri. «Barselona»ning yosh iste'dodi ovoz berish natijalariga ko'ra sakkizinchi o'rinni egalladi.