Kataloniyaning «Barselona» klubi sobiq futbolchisi Rivaldo ertaga La Liga doirasida bo'lib o'tadigan "El Klasiko" haqida fikr bildirdi.

«Shanba kungi klasiko – Lionel Messi «Barselona»ga naqadar sodiq ekanligini isbotlash uchun ajoyib imkoniyat.

Yoz u uchun juda qiyin bo'ldi va mavsumni yorqin boshlay olmadi. Ammo, ertangi bahs - haliyam u ajoyib futbolchi ekanligini isbotlash uchun zo'r o'yin. Agar «Real» mag'lub etiladigan bo'lsa, u holda Messida mavsum oxirigacha o'ziga bo'lgan ishonch ortadi.

Shuningdek, ushbu o'yin «Barselona» «Real»ga bosim o'tkazishi uchun imkon beradi. Ular yomon sport formasida va har ikkala klub ham so'nggi uy o'yinlarida mag'lub bo'lishdi», – dedi Rivaldo Betfair bilan suhbatda.