Kataloniyaning «Barselona» klubi sardori Lionel Messi o'z kelajagi borasidagi rejalarini o'zgartirgani yo'q. Cuatro portalining yozishiga qaraganda, garchi Xosep Bartomeu klub prezidentligi lavozimini tark etgan bo'lishiga qaramay, Messi jamoadan ketish rejasini o'zgartirgani yo'q.

Qayd etilishicha, Messi sovrinli o'rinlar uchun kurashadigan jamoada o'ynashni xohlamoqda. Argentinalik futbolchining fikricha, hozirgi "Barselona" jiddiy muammolarni hal qilishga qodir emas.

Manbaning yozishicha, Lionel Messi "Barselona"dagi kelajagiga prezidentlik saylovlaridan so'ng aniqlik kiritadi.

Eslatib o'tamiz, "Barselona" klubiga prezidentlik saylovlari 2021 yili bahorda o'tkazilishi rejalashtirilgan.