Kataloniyaning «Barselona» klubi prezidentligiga nomzod sanalgan Toni Freysha jamoa sardori Leo Messi haqida fikr bildirdi.

«Barselona» bilan yaxshi natijalarga erishi uchun Messi bilan xotirjam gaplashamiz. Biz unga va boshqa shartnomasini uzaytirish kerak bo'lgan futbolchilarga yangi bitim taklif qilamiz, biroq, undagi shartlar (maoshlar) avvalgidan yaxshi bo'lmaydi.

Bu masalada kimnidir aldash mumkin emas. Shubhasiz, yangi shartnomalar avvalgisiga o'xshamaydi, chunki bizning daromadlarimiz sezilarli darajada kamayib ketdi. Yangi formula topishimiz kerak.

Messini ishontirish shart emas. Uning ko'zlariga qarash kerak va u nimani xohlayotgani haqida gaplashib olish kerak. Ishonamizki, Messini oldida hali ko'p futbol turibdi», – dedi Freysha.