«Manchester Siti» hujumchisi Serxio Aguero faoliyatini «Barselona»da davom ettirishi mumkin."El Chiringuito TV" jurnalisti Xose Alvares tarqatgan xabarga ko'ra, 32 yoshli futbolchi Argentina termasidagi jamoadoshi Lionel Messi bilan bir jamoada o'ynashni istamoqda. Eslatib o'tamiz, Serxioning "shaharliklar" bilan shartnomasi 2021 yilning yozida yakuniga etadi. Avvalroq Aguero faoliyatini o'z vatanida yakunlash niyati borligini ma'lum qilgan edi.