Turinning "Yuventus" klubi hujumchisi Krishtianu Ronaldu EChL doirasida "Ferentsvarosh" (2:1) klubiga qarshi bo'lib o'tgan bahsda gol kiritdi.

Shu tariqa, 35 yoshli portugaliyalik futbolchi Evropa Chempionlar Ligasi turnirida ketma-ket 15 mavsumdan beri gol urib kelayotgan futbolchiga aylandi. U ushbu musobaqadagi birinchi golini 2006/07 yilgi mavsumda "Manchester Yunayted" tarkibida kiritgandi.

Eslatib o'tamiz, Ronaldu ushbu turnirning yaqqol to'purari sanaladi. Uning hisobida 131 ta gol bor. Ikkinchi o'rinni jsa Lionel Messi egallab turibdi - 118 gol.

Joriy mavsumda Ronaldu 7 ta uchrashuvda 9 ta gol kiritdi va ikkita golga assistentlik qildi.