«Barselona» bosh murabbiyi Ronald Kuman 24 oktyabr kuni bo'lib o'tgan "Real"ga qarshi o'yindan keyin VAR tizimini tanqid qilgan edi. Niderlandiyalik mutaxassis ushbu fikrlari uchun jazolanmaydigan bo'ldi. Kuman VAR tizimini tushunmayotganini, videoyordamchi hakamlar doimo «Barselona» zarariga qaror chiqarayotganini aytgan edi. Ispaniya futbol federatsiyasi tartib-intizom qo'mitasi murabbiyning so'zlarini o'rganib chiqib, unga nisbatan chora qo'llamaslikka qaror qildi.