Bugun FIFAning nufuzli sovrinlaridan biri «The Best» mukofoti o'z egasiga topshiriladi. Biz esa kuchli uchlikdan joy olgan va ushbu mukofotni yutishga imkoniyiyati ko'proq bo'lgan futbolchilar xususida qisqacha to'xtalib o'tamiz. Ushbu ro'yxatda shubhasiz Lionel Messi nomi ham bor va quyida uning natijalari haqida gaplashamiz.

Messi faoliyati davomida umumiy 7 marta FIFAning turli tartibdagi individual sovrinlar uchun kurashmoqda. Yakuniga etayotgan mavsumda futbolchininig muxlislari balki undan har doimgidek kutilgan o'yinni ko'risholmagandir, lekin u o'zining gollarga bo'lgan xarisligini har bir uchrashuvda isbotlab keldi va muhim rekordlarni qayd etishdan to'xtab qolmadi.

Mavsum sarhisobi raqamlarda:

- 2019-20 yilgi mavsumning La Liga to'purarligi (25 gol). Shuningdek, «Pichichi» sovrinini umumiy 7 marta qo'lga kiritgan musobaqa rekordchisi

- La Liga kumush medallari

- Umumiy gollar bo'yicha 700lik dovondan o'tildi, bitta klub safidagi gollar soni esa 642 taga etdi va bu borada Pelening rekordiga bitta gol qoldi xolos.

- 2019-20 yilgi mavsumda La Liganing eng yaxshi assistenti (21) va musobaqa rekorchisi.

- «Laureus Sportsman of the year» sovrinini yutgan birinchi argentinalik sportchi va keyinchalik 1 milliard evro sohibi

Muhim voqeliklar.

2020 yil 22 fevral

Ushbu sanada «Barselona» La Liga doirasida «Eybar»ni qabul qildi va uchrashuv to'lig'icha Messining benefisiga aylanib ketdi. U bungacha 4 o'yinlik golsiz ceriyasini qayd etib kelayotgandi va qaysidir ma'noda o'sha o'yinga alamzada kayfiyatda tushgani ko'pchilikning yodida bo'lsa kerak. Yakunda raqiblari darvozasiga 4 bora yo'l topgan futbolchining jamoasi uchrashuvda 5:0 hisobida g'alaba qozondi. Futbolchi gollarining 3 tasini allaqachon birinchi bo'limning o'zida nishonlashga ulgurgan. Ushbu poker Messi uchun faoliyati davomidagi oltinchisi hisoblanardi. Ma'lumot uchun, u 2012 yilda «Bayer» darvozasiga 5 ta gol yo'llaganini ham qayd etib ketish lozim. Eng qiziq tomoni Leoning bundan avvalgi pokeri ham aynan «Eybar» bilan bahsda «Kamp Nou»da 2017 yili qayd etilgandi.

2020 yil 23 iyun

Ushbu sanada ham Messi uchun muhim bir voqelik qayd etilgan. «Kamp Nou»da «Atletik Bilbao»ni minimal hsiobda (1:0) taslim etgan mezbonlarning yagona goliga Ivan Rakitich mualliflik qiladi. Unga assistni esa aynan agentinalik jamoadoshi uzatib bergan edi. Messi ushbu assisti bilan bitta mavsumda qayd etgan muvaffaqiyatli uztmalari sonini 21 taga etkazib olib, bu borada La Ligada Xavi o'rnatgan rekordni (20) yangiladi. Shningdek, u o'zining «Barselona» libosidagi umumiy 250-assistini qayd etgan edi. Muxlislar ham endi yillar o'tgani sari Messidan chiroyli gollaridan ko'ra ko'proq aqlli uzatmalariga guvoh bo'lib borishsa ajab emas.

2020 yil 30 iyun

«Barselona» ushbu sanada printsipial raqiblarida biri «Atletiko Madrid» bilan to'qnash keldi va uchrashuv 2:2 hisobidagi jangovar durang bilan o'z nihoyasiga etgan. Gollardan biriga mualliflik qilgan Messi o'zining faoliyati davomidagi yuubiley 700-golini nishonladi. Ushbu gol penaltidan panenka uslubida ijro etildi. Shunday qilib futbolchi 700lik dovonni bosib o'tgan Pele, Romario, Jozef Bikan. Frenk Pushkash, Gerd Myuller va Krishtianu Ronaldular qatoriga qo'shildi. Ushbu goli uning uchun mavsumdagi so'nggisi hisoblanib, «Pichichi» sovrinini ketma-ket 4 marta yutgan Alfredo di Stefano va Ugo Sancheslarning natijasini takrorladi.

Boshqalarning Messi haqida aytgan fikrlari

Rakitich

«Sen kim bo'lishingni va qanday darajada o'ynayotganligingni farqi yo'q. Baribir Messi bu boshqa daraja, uning ajabtovur harakatlaridan zavqlanib qolishing kerak. Men boshqa top futbolchilarga hurmatni saqlagan holda aytishim mumkinki, Leo - "number one". Uning yonida 200 ta bahsda ishtirok etganimning o'zi qolganlar uchun katta orzu bo'lsa kerak. Messi senga rahmat, - bu erda juda ko'p narsani o'rgandim»

Rodrigo de Paul

“Messi bilan nafaqat bir jamoada o'ynash balki unga raqib bo'lgan payting ham ko'p narsalarni o'rganib olishing mumkin. To'pni oshirishi uchun unga imo-ishora qilishing shart emas, u o'zi hammasini payqab oladi. Men buni o'zimda sinab ko'rganman. «Valensiya» safida unga qarshi juda ko'p to'qnash keldim. Unining hazillari, ochiq suhbatlari haligacha esimda. U juda kamtar edi, bahs oxirida qanday hisob qayd etilishidan qat'i nazar har bir raqib futbolchisi bilan uzoq muloqot qura olar edi. Agar mendan Messi bilan birga urushga borish kerakligi so'ralsa, albatta bu ishni birgalikda amalga oshirardim.

Pablo Aymar

“Levandovskida bu sovrinni yutish uchun ancha ko'p imkoniyatlari bor. Lekin so'nggi yillardan ham kelib chiqadigan bo'lsak, bunaqa yirik sovrinlar uchun Messi va Ronaldu imidji shakllanib bo'lgan. Boshqa qaysi futbolchi tilga olinishidan qat'i nazar biz ularni ko'proq eslaymiz. Lekin men uchun «The Best» bu - Leo”.