Angliyaning "Manchester Siti" klubi rahbariyati "Barselona" sardori Lionel Messi uchun kurashda o'zlarini favorit deb hisoblashmoqda.

Qayd etish kerakki, Messiga "PSJ" klubi ham faol qiziqish bildirmoqda. Argentinalik yulduzning "Barselona" bilan tuzgan shartnomasi kelasi yilning yozida yakunlanadi va erkin agentga aylanadi.

Express nashrining tarqatgan ma'lumotiga qaraganda, "shaharliklar" rahbariyati Messi bilan muzokara olib borishda Xosep Gvardiolaning yordamiga tayanishmoqchi. Ular «Barselona»da birga ishlashgan.