Frantsiyaning «Lion» klubi futbolchisi Memfis Depay katta ehtimol bilan jamoani tark etadi.

Frantsiya matbuotining tarqatgan ma'lumotiga qaraganda, niderlandiyalik futbolchi jamoasi bilan shartnomani uzaytirish niyatida emas.

Ammo, ayni paytda «Lion» Depay borasida hech qanday taklif olgani yo'q. Hozirda «Yuventus» Depayni tekinga qo'lga kiritish uchun uning atrofidagi voqealarni kuzatmoqda.

Qayd etilishicha, "Lion" Depayni qishda sotib yubormoqchi. Memfisga ko'proq «Barselona» klubi qiziqish bildirmoqda, biroq, kataloniyaliklar ayni paytda moliyaviy muammolarni boshdan kechirmoqda.