Angliya terma jamoasining sobiq hujumchisi va hozirda futbol mutaxassisi Gari Lineker o'zining tvitterdagi sahifasida Lionel Messining bir klub uchun gol urish borasida braziliyalik Pelening rekordini yangilashiga munosabat bildirdi.

- Lionel Messi o'zining "Barselona" safidagi 644-golini urdi. U Pelening bir klubga eng ko'p gol urish bo'yicha rekordini yangiladi. Bu hech kim takrorlay olmaydigan yutuq. Uni endi boshqa hech kim yangilay olmaydi.

- Messining rekordini yangilash uchun kimdir bitta klub uchun 15 yil davomida har mavsumda o'rtacha 43 ta gol urishi kerak bo'ladi - deb aytib o'tdi Linekere o'z tvitter sahifasida.

Eslatib o'tamiz "Barselona"ning 33 yoshli argentinalik hujumchisi uchrashuvning 65-daqiqasida "Valyadolid" darvozasini ishg'ol qilib, bitta klub uchun gollar soni bo'yicha afsonaviy braziliyalik Pelening rekordini ortda qoldirdi. Endilikda Messida 644 ta gol, Peleda esa 643 ta gol mavjud.